*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री विजया केळकर लिखित श्री गजानन विजय ग्रंथ सारांश*

 

*****२० *****

 

कोणत्यारुपे येतील गजानन |

कैसे सांगावे, कैसे देतील दर्शन |

गणपतकांतेच्या स्वप्नी बोधन |

परमार्थ साधण्या वेचावे धन ||१||

 

लक्ष्मण जांजळाला स्टेशनी |

आणिले टाळ्याला खूण गोष्टींनी |

प्रतिवर्षी आपुल्या घराला |

पुण्यतिथीचा प्रारंभ केला ||२||

 

जोशी दमणी घाली नदीत |

अचानक नदी चढली |

आता सारे ‘ बाबांच्या ‘ हातात |

आपोआप पैलतटा पावली ||३||

 

राजाराम कवर निघे तेल्हार्‍यासी |

न घेता प्रसादासी |

भुले गाडीवान सरावासी |

चुकला वाट, परतला शेगावासी ||४||

 

प्रसादाचा अवमान भोवला |

रतनसाच्या नवसास पावला |

शेरणी वाटली, मुलगा वाचला |

तीर्थ-अंगारा गुण देई चंद्रभागेला ||५||

 

‘ मी लेखणी ‘ म्हणती दासगणू |

लिहिते लिहविते गजाननू |

आम्ही दास किती गणू |

थोरवी आपली कैसी वानू? ||६||

 

*************************** १७ *****

 

पुरविण्या भक्त मनोरथ |

निघे गजाननस्वामी समर्थ |

स्टेशनावरी सज्ज अग्निरथ |

पण झाला, झाला अनर्थ ||१||

 

बायकांच्या डब्यात खरा |

बैसला करुनी त्वरा |

स्टेशनमास्तर विनवी आदरा |

उतरले, नजाता मलकापुरा ||२||

 

शिष्य भास्कर झाला दंडित |

घटनेस तोच कारणभूत |

महाराज तर जीवनमुक्त |

वृथा आग्रह नसे उचित ||३||

 

संत आल्याचे कळता संताशी |

महताबशा आला भेटावयासी |

हुकुमासरशी गेला पंजाबासी |

मशिदीच्या कामास कृपाराशी ||४||

 

विहिरीतील जलतीर्थांनी |

अभिसिंचले उफाळूनी |

सुखावले गजानन |

एकाग्रचित्ते करा मनन ||५||

 

********************** *****१८ *****

 

बालपणापासून भक्तीचा लळा |

बायजेसी तरुणपणी आला फळा |

संसार लिहिला नव्हता भाळी |

गुरुसी शरण जिता कोण छळी ||१||

 

डाॅक्टर भाऊ कवराला |

जेव्हा दुर्धर फोड झाला |

तीर्थ अंगारा पाठविला |

गजानन लेकरासाठी धावला ||२||

 

गेले आषाढी एकादशीशी |

समर्थ मंडळींसह पंढरीसी |

बापुना एकला दर्शनाविना |

साधूच भेटवी रुक्मिणी रमणा ||३||

 

शीर ठेवता पायावरी |

आनंद भरला अंतरी |

पुन्हा पाहे जो वरी |

समर्थ दिसले पहिल्यापरी ||४||

 

मरीने ग्रस्त एक माळकरी |

सद्गुरु हात शिरावरी |

त्यासी बोले मधुरोत्तरी |

चल, टाळले गंडांतरी ||५||

 

पदस्पर्शे मृत कुत्रे उठविले |

कर्मठ ब्राह्मणास कळले |

साक्षात् सोवळे रुप धाडिले |

ईश्वराने, अज्ञान फिटले ||६||

 

**************************** १९ *****

 

झाले काशिनाथपंता संत दर्शन |

पाहिली जीवनमुक्ताची लक्षणं |

धन्य भाग्य दिसले चरण |

नुरले काही मागणं ||१||

 

गोपाळबुटी होता भाविकही |

समर्था नेई आपुल्या गेही |

शेगावीच्या लोकांस पाही |

अहंपणे करी मनाई ||२||

 

धनाच्या जोरावरी |

काय संता बांधता येई?|

ताकदीच्या जोरावरी |

हरी पाटील त्यास परत नेई ||३||

 

श्री वासुदेवानंद सरस्वती |

श्री सच्चिदानंद गुरुमूर्ति |

दृष्टादृष्ट दोघा देई आनंद |

बाळास कर्म-भक्ती-योग विशद ||४||

 

संताने अंतर्ज्ञानेजाणून |

खळ्याचे केले संरक्षण |

त्यास अज्ञाने भोंदू जाणून |

मारता, शिपायास आले मरण ||५||

 

ईश्वरेच्छेने संत अवतरती |

जन कल्याणाचे व्रत चालविती |

जीवन समाप्ती ही क्रमप्राप्ती |

विठ्ठलासी गजानन अनुज्ञा मागती ||६||

 

समाधिस्थ झाला अवलिया |

भाद्रपद शुद्ध पंचमीसी |

मनापासून आळवलिया |

उभा सतत भक्तांच्या पाठीशी ||७||

 

जय जय गजानना |

हे नरदेही नारायणा |

योगीराज दयाघना |

गाऊ भजना, करु समाराधना ||८||

 

***** २१ *****

 

उंचावरून झोक जाता |

मजूरास कोणी झेलला? |

खांब बाउच्या शरीरा पडता |

मुक्ती मिळाली आश्रित भूताला ||१||

 

रामचंद्र पाटला घरी |

गोसावी वेषे कोण जेवला?

बनविला मठाचा कारभारी |

उपदेशही देऊन गेला ||२||

 

समाधी भव्य सुंदर बांधली |

धर्मकृत्येही बहु झाली |

निष्ठा गजाननपदी जडली |

चरित्र पारायणे होऊ लागली ||३||

 

कळसापरी चमकणारा |

हा अध्याय एकविसावा |

भक्तांचा लळा पुरविणारा |

‘ श्री गजानन विजय ‘ एक विसावा ||४||

 

करुनी त्रिवार वंदना |

बोलली सुभाषी रसना |

विजयाच्या आनंदघना |

मान्य करा कवना ||५||

 

********************************

|| पुंडलीक वरदा हरिविठ्ठल ||

||सीताकांत स्मरण जय जय राम ||

|| पार्वतीपते हर हर महादेव ||

*********************************

*समाप्त *

 

**********************************