*जागतिक साहित्य कला व्यक्तित्व विकास मंचचे सन्माननीय सदस्य कवी शशांक देशमुख लिखित अप्रतिम काव्यरचना*
*परतीचा पाऊस…(वऱ्हाडी कविता)*
नभी वाजवोते ढोल
परतीत ह्या पाऊस…
जशी अधुरी आपली
पूरी करतेया हौस…।। १ ।।
कसा नियतीचा फेरा
फिरे अथीसा क्षणात…
रानं फुलोता पाऊस
जाते काटा उगवोत…।। २ ।।
आले सोंगनीले मूग
उडीद नं सोयाबीन…
बळीराजाचं सपान
पावसात छिन्नभिन्न…।। ३ ।।
आला दसरा सोमोर
तेच्या पाठी दीपावली…
कसा पाऊस बाजिंदा!
ओढे रेघोट्या कपाली…।। ४ ।।
अगा बापा मेघराजा
घेतं अशी का गा मजा…?
बरसून अवकानी
नोको घेऊ जीव राजा…।। ५ ।।
होऊ दे रे आबादानी
बळी झाला वेडापिसा…
तोंडी आला हुया घास
नोको पळवू गा असा…।। ६ ।।
✍️शशांक दिनकरराव देशमुख©®
चांदुरबाजार, जि. अमरावती
(महाराष्ट्र राज्य) – ४४४ ७०४
मो. क्र. ९९२३५३६३२५
