*जागतिक साहित्य कला व्यक्तित्व विकास मंचचे सन्मा सदस्य कवी शशांक देशमुख लिखित अप्रतिम काव्यरचना*
*बंधुता…*(अष्टाक्षरी रचना)
संत थोर महात्म्यांची
आठवूया गोड वाणी…
भेद विसरूनी सारे
गाऊ बंधुतेची गाणी…// १ //
रूजो बंधुतेचे बीज
सर्वदूर जनी-मनी…
वृक्ष सलोख्याचा कोठे
तेंव्हा येई बहरूनी…// २ //
बंधुभाव लाखमोली
ठेऊ तयाचा कैवार…
दीन दुबळ्या जनांना
थोडा देऊ हातभार…// ३ //
कैसा ताव स्वार माथी
भरे श्रेष्ठत्वाचा आव…
पोसे काय? जो उराशी
नुसताची दुजाभाव…// ४ //
भिन्न जरी धर्म जाती
एक आपुले वतन…
माय भारतीची लेकं
करू बंधुता जतन…// ५ //
सोडुनिया हेवेदावे
मनी वसवा सद्भाव…
जेथे सौहार्दाची नांदी
वसो एकेक ते गाव…// ६ //
सोडुनिया थाटमाट
धरू बंधुतेची वाट…
विणुनिया स्नेहजाळे
बांधू एकतेची गाठ…// ७ //
✍️शशांक दिनकरराव देशमुख©®
चांदुरबाजार, जि. अमरावती
(महाराष्ट्र राज्य) – ४४४ ७०४
मो. क्र. ९९२३५३६३२५
