*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री विजया केळकर लिखित अप्रतिम काव्यरचना*
*(कृष्णाष्टमी)*
धावपळ रात्रीस काळ्या मेघांची
पसरला काळाकभिन्न अंधार
लाविली कोणीतरी विजांची झालर
कोसळणार पाऊस मुसळधार….
चिंताहारी ऐकले नवबालकाचे रुदन
तेजोमय बंदीगृहाचे दालन
घेत अपत्याचे लोभस मुखदर्शन
टोपलीत झोपविला मोहन ….
बंदीशाला सुखासीन निद्राधीन
खुलले दरवाज्यांचे अडसर
डोईवर बाळ,द्रुतगती पिता दैवाधीन
नेहमीची निम्नगा नव्हती निळसर ….
निमग्न पावले नाहीत अडली
उग्ररुपा नदीस विश्वरुप-भेटीची आस
उंबळून स्पर्शली पदअंगुष्ठी
क्षणभर दुभंगून दिली वाट खास ….
नकळता बाळांची अदलाबदल
गोपराजगृही घडली नवलाई
राणी अनभिज्ञ आली धावत दाई
नंदलालासाठी मग पाळणा गाई ….
विजया केळकर_____
नागपूर
