आर्यन गगनराज व पराग आराबेकरची राज्यस्तरीय संघ निवड कॅम्पमध्ये निवड
एम क्रिकेट अकॅडमी सावंतवाडीची यशस्वी वाटचाल सुरुच
सावंतवाडी
महाराष्ट्र राज्य क्रिकेट असोसिएशन अंतर्गत घेतलेल्या ‘इन्विटेशन लीग’ मध्ये सिंधुदुर्ग जिल्ह्याचे प्रतिनिधित्व करताना केलेल्या उत्कृष्ट कामगिरीच्या जोरावर एम क्रिकेट अकॅडमीच्या आर्यन गगनराजची १९ वर्षाखालील तर पराग आराबेकरची १६ वर्षाखालील क्रिकेट असोसिएशनच्या दोन्ही गटात राज्यस्तरीय संघ निवडण्यासाठीच्या कॅम्पमध्ये निवड झाली आहे. दोघेही खेळाडूंनी वरील स्पर्धेत अनुक्रमे २० व १७ विकेट घेतल्या होत्या दोन्ही खेळाडू सराव शिबिरात दाखवण्यासाठी पुणे येथे रवाना झाले आहेत.
आर्यन गगनराज व पराग अराबेकर या दोन्ही एम क्रिकेट अकॅडमी सावंतवाडीच्या खेळाडूंना मुख्य प्रशिक्षक राहुल रेगे व सहाय्यक प्रशिक्षक अविनाश जाधव व निल रेगे यांचे मार्गदर्शन लाभले होते. त्यांच्या या निवडीबद्दल दोन्ही खेळाडूंचे ॲकॅडमीचे अध्यक्ष उदय नाईक व उपाध्यक्ष ॲड. परिमल नाईक यांनी अभिनंदन करून त्यांच्या पुढील वाटचालीस शुभेच्छा दिल्या आहेत.
