मोती तलावाला आज नारळ अर्पण करणार..

उपस्थित राहण्याचे युवराज यांनी केले सावंतवाडीकरांना आवाहन

सावंतवाडी

शहरात काल घडलेल्या दुःखद प्रसंगामुळे नारळी पौर्णिमा उत्सव होवू शकला नव्हता. परंतू आज सायंकाळी साडे चार वाजता नेहमीच्या प्रथेप्रमाणे मोती तलावाला नारळ अर्पण करण्यात येणार आहे. त्यामुळे यावेळी सावंतवाडीकरांनी उपस्थित रहावे, असे आवाहन सावंतवाडी संस्थानचे युवराज लखमराजे भोसले यांनी केले आहे.

काल शहरात घडलेल्या दुःखद घटनेमुळे दरवर्षी होणारा हा कार्यक्रम पुढे ढकलावा लागला होता. तरीही सावंतवाडी पोलिसांकडुन राजवाड्यात विधीवत नारळाचे पुजन करण्यात आले होते. तो नारळ आज सायंकाळी मोती तलावाला अर्पण करण्यात येणार आहे. यावेळी सर्व सावंतवाडीकरांनी उपस्थित रहावे, असे आवाहन करण्यात आले आहे.