वेंगुर्ला पोलीस ठाण्याचे पोलीस निरीक्षक संदीप भोसले याना “पोलीस महासंचालक पदकाने” सन्मानित..

वेंगुर्ले

महाराष्ट्र पोलीस दलामध्ये उल्लेखनीय सेवा बजावल्याबद्दल सन २०२३ करीता वेंगुर्ला पोलीस ठाण्याचे पोलीस निरीक्षक संदीप भोसले याना पोलीस महासंचालक पदकाने शालेय शिक्षण मंत्री दीपक केसरकर यांच्या हस्ते सिंधुदुर्गनगरी येथे सन्मानित करण्यात आले.

महाराष्ट्र पोलीस दलात मागील दहा वर्षात उल्लेखनीय सेवा बजावल्याबद्दल दरवर्षी मा. पोलीस महासंचालक पदक देऊन पोलीस दलातील अधिकारी व अंमलदार यांना सन्मानित करण्यात येते. त्यानुसार या वर्षी सिंधुदुर्ग जिल्हा पोलीस दलातील वेंगुर्ला पोलीस ठाण्याचे पोलीस निरीक्षक संदीप भोसले यांना स्वातंत्र्यदिनी शालेय शिक्षण मंत्री दीपक केसरकर यांचे हस्ते हे पदक देऊन गौरविण्यात आले. यावेळी जिल्हाधिकारी किशोर तावडे, जिल्हा पोलिस अधीक्षक सौरभ कुमार अग्रवाल यांच्या सह अन्य मान्यवर उपस्थित होते.

श्री. भोसले यांचे पोलीस दलात उल्लेखनीय असे काम सुरू आहे. त्यांनी आपले कार्य असेच सुरू ठेवावे असे सांगून मंत्री केसरकर यांनी त्यांना शुभेच्छा दिल्या.