*जागतिक साहित्य कला व्यक्तित्व विकास मंचचे सन्माननीय सदस्य कवी अरुण वी देशपांडे लिखित शिवचरणी भक्ती-रचना*

*जय शिव शंभो, हर हर महादेव ।।*

———————————————–

जय शिव शंभो ,हर हर महादेव ।

श्रीशंकरजी तुम्ही तर देवाधिदेव ।।

नीलकंठ नाव तुम्हास हो मिळाले ।

भागीरथीला मस्तकी धारण केले ।।

सकल भक्त पूजिती उमा महेश्वर ।

नर्तन कलेचे दैवत तुम्हीच नटेश्वर ।।

वेरूळला स्थान तुमचे श्रीघृष्णेश्वर ।

वाराणसी रूप श्री काशीविश्वेश्वर ।।

क्षेत्र परळीचे रूप ते श्री वैजनाथ ।

औंढ्यास दर्शन देई श्रीनागनाथ ।।

भोळ्या भाविकांचे तुम्ही भोलानाथ ।।

तारीता भक्तांचे तुम्हीच दीनानाथ ।।

कैलास पर्वत हो तव निवासस्थान ।

भक्तजन, सारे गण, करी गुणगान ।।

विनवी अरुणदास कवी तुम्हा देवा ।

करावी कृपा सर्वांवरी देवा महादेवा ।।

––——————————————

जय शिव शंभो, हर हर महादेव ।।

-अरुण वि .देशपांडे-पुणे

9850177342

————————————————-