*जागतिक साहित्य कला व्यक्तित्व विकास मंचचे सन्मा सदस्य तथा संस्थापक अध्यक्ष महाकवी कालिदास प्रतिष्ठान पुणे लेखक कवी वि. ग. सातपुते लिखित अप्रतिम काव्यरचना*

*गूढ*

*****

तुझ्यासंगे बहरले ऋतू तरीही

तूच हरवली कुठे कळले नाही

लळा लावूनी निघूनी गेलीस

मागे वळुनीही , पाहिले नाही

प्रीतीत गुंतलेलो होतो आपण

हे सत्य तूची कां जाणले नाही

विरहवेदना मी भोगत राहिलो

कां ? तुलाही ते जाणवले नाही

अशी कशी तू विसरून गेलीस

अजुनही मजला कळले नाही

जे घडले ते सांग कसे विसरावे

मीच कधी विसरू शकलो नाही

प्रीतीवीणही जगती जगता येते

कसे ? हे गूढ मला कळले नाही

************************

*रचना क्र. १५३*

*#©️ वि.ग.सातपुते.(भावकवी)*

*📞(9766544908 )*