*जागतिक साहित्य कला व्यक्तित्व विकास मंचचे सन्माननीय सदस्य तथा संस्थापक अध्यक्ष महाकवी कालिदास प्रतिष्ठान, पुणे लेखक कवी वि. ग. सातपुते लिखित अप्रतिम काव्यरचना*

*तृप्तता*

〰️〰️〰️

झरझर झरता पाऊसधारा

बरसात आठवणींची होते

ओसंडणाऱ्या जलदातुनी

भावप्रिती अलवार पाझरते….

हिरवळलेली हिरवाई सुंदर

चैतन्याला , सजवीत जाते

सप्तसुरांची , सुरेल मैफिल

बोल काळजाचे गात रहाते….

शब्दसरींची अवीट सुरावट

मनमनांतरा , भुलवित जाते

रिमझिम रिमझिमता पाऊस

बरसात , आठवणींची होते….

सभोवती ते दृष्टांत लाघवी

वर्षा मनास चिंब भिजविते

घनमेघनांचे अमोघ सोहळे

पाहूनी जीवन हे तृप्त होते….

〰️〰️〰️〰️〰️〰️〰️〰️

*रचना:१४१

*#©️वि.ग.सातपुते.( भावकवी )*

*📞 ( 9766544908 )*