*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री अरुणा दुद्दलवार लिखित अप्रतिम काव्यरचना*

*🎻अशी यावी कविता*🎻

*कविता अशी यावी

मी सहज गुणगुणावी….

भावनेतून आशयास

**ती हळूच उलगडावी….

क्लिष्ट नको रचना

नितळ झुळझुळावी….

सौंदर्य रूप सात्विक

ती मनमोहिनी असावी….

काळजाचा ठाव घ्यावा

जखम ती भळभळावी…

शब्दातून घालता फुंकर

अलवारपणे हुळहुळावी..

.

गीत गाता कवितेचे

डोळ्यात सजल व्हावी…

तुडुंबलेले भावकिनारे

कपोलावरून ओघळावी…..

विसरावे भान किंचित

अशी कविता यावी…..!!

~~~°~~~•~~~°~~~•~

अरुणा दुद्दलवार @✍️