*जागतिक साहित्य कला व्यक्तित्व विकास मंचचे सन्माननीय सदस्य कवी शशांक देशमुख लिखित अप्रतिम काव्यरचना*
*वृक्षसंवर्धन….*
वृक्षवेली पशुपक्षी
जीवजंतू प्राणीमात्रां…
एकदुजावीण त्यांची
अधुरी जीवनयात्रा…// १ //
वृक्षवेली मायाधारी
फळे फुले छाया देती…
कैसी निःस्वार्थ अम्हाला
जीव लावी कितीकिती…// २ //
कडुनिंब चिंच आंबा
वृक्ष वड-पिंपळाचे…
पाळमूळे खोल त्यांची
राखीं जल भूगर्भाचे…// ३ //
वृक्ष सखे.. जीवलग!
धूप धरेची रोखती…
शोषुनिया कर्बवायू
प्राणवायू उत्सर्जिती…// ४ //
करूनी वृक्ष कत्तल
साधेल काय? माणूस…
असेच चालले तर
नाही दूर सर्वनाश…// ५ //
झाले वृक्षसंवर्धन
नितांत हो गरजेचे…
वृक्ष लावण्या सवेची
जगवणे ते मुद्याचे…// ६ //
✍️शशांक दिनकरराव देशमुख©®
नांगलिया नगर, चांदुरबाजार
ता. चांदुरबाजार, जि. अमरावती
(महाराष्ट्र राज्य) – ४४४ ७०४
मो./व्हा. क्र. ९९२३५३६३२५
