*जागतिक साहित्य कला व्यक्तित्व विकास मंचचे सन्माननीय सदस्य कवी चंद्रशेखर कासार लिखित अप्रतिम काव्यरचना*

*चपराक*

चपराक मारूनी तो

खुर्चीवर हो बसला

बाता फुकाच्या करोनी

रयतेचा राजा झाला ||१||

ज्ञात नसे त्यास शास्त्र

समाज, निती, अर्थाचे

शासन चालेल कसे

मंत्री बेभरवशाचे ||२||

उधळून लावी डाव

बेबंदशाही शासन

नसे कुणाची हिंमत

मज्जावी ते दुःशासन ||३||

छळवाद रयतेचा

सदा होई राज्यभर

कष्ट करूनही होई

भाकरीची मरमर ||४||

असा राजा नको कधी

सुखी नाही जिथे प्रजा

राजा खातो तूप रोटी

जनतेला मिळे सजा ||५||

कवी:-

*चंद्रशेखर प्रभाकर कासार*

*चांदवडकर, धुळे.*

७५८८३१८५४३.