*जेष्ठ साहित्यिका, उपक्रमशील, आदर्श शिक्षिका, सामाजिक कार्यकर्ती, कथाकार अनुपमा जाधव लिखित अप्रतिम काव्यरचना*

*गाभारा*

करी कोणी चोरी मारी

कोणी मागते भीक

सुपीक भूमीत

साबराचे पीक

कोणी ओरबाडी वेली

कोणी झाडांना कापतो

गंध सारा तुडवून

कोणी सावल्या जाळतो

असे घडतेच कसे

कोणी का न घेई शोध !

कोणी संताने येऊनी

द्यावा माणसाला बोध

एक भला ज्ञानमार्ग

जो जाळीतो अंधारा

त्याने सरते पशूता

भरे मनाचा गाभारा

कवयित्री

अनुपमा जाधव