नवी दिल्ली :
पॅरिस ऑलिम्पिक २०२४ पूर्वी, गुडघ्याच्या दुखापतीतून पूर्णपणे सावरल्यानंतर भारतीय स्टार बॅडमिंटन महिला खेळाडू पीव्ही सिंधू आता कोर्टवर तिच्या खेळाने सर्वांना प्रभावित करत आहे. मलेशियाने आता मास्टर्स सुपर ५०० बॅडमिंटन स्पर्धेच्या महिला एकेरीच्या उपांत्यपूर्व फेरीत आपले स्थान निश्चित केले आहे. २३ मे रोजी दुसऱ्या फेरीत सिंधूचा सामना कोरियन खेळाडू सिम यू जिन हिच्याशी झाला. ज्यामध्ये सिंधूने हा सामना तीन सेटमध्ये जिंकला आणि उपांत्यपूर्व फेरीत आपले स्थान निश्चित केले. आता सिंधूला तिसऱ्या फेरीत चीनच्या खेळाडूविरुद्ध खेळायचे आहे. सिंधूचा दुसऱ्या सेटमध्ये पराभव झाला, तिसरा जिंकून तिने पुढच्या फेरीत जागा निश्चित केली.
मलेशिया मास्टर्स सुपर ५०० बॅडमिंटन स्पर्धेच्या महिला एकेरीच्या दुसऱ्या फेरीत सिंधूने कोरियन खेळाडूविरुद्ध पहिला सेट २१-१३ असा जिंकला, मात्र दुसऱ्या सेटमध्ये १२-२१ असा पराभव पत्करावा लागला. यानंतर तिसऱ्या आणि निर्णायक सेटमध्ये सिंधूने शानदार पुनरागमन करत २१-१४ असा विजय मिळवला आणि उपांत्यपूर्व फेरीतील आपले स्थानही निश्चित केले. आता सिंधूला तिचा पुढचा सामना चिनी खेळाडू हान युईविरुद्ध खेळायचा आहे, जिच्याविरुद्ध तिला गेल्या महिन्यात निंगबो येथे झालेल्या आशिया बॅडमिंटन स्पर्धेत पराभवाला सामोरे जावे लागले होते.
२०१४ मध्ये पॅरिसमध्ये होणाऱ्या ऑलिम्पिक खेळांना लक्षात घेऊन भारतीय क्रीडा मंत्रालयाने आता लक्ष्य सेनला शटलर पीव्ही सिंधूसह परदेशात प्रशिक्षणासाठी परवानगी दिली आहे. सिंधू जर्मनीतील सारब्रुकेन येथील हर्मन-न्यूबर्गर स्पोर्ट्स स्कूलमध्ये प्रशिक्षण घेईल. पॅरिसला जाण्यापूर्वी ती तिच्या प्रशिक्षक आणि सपोर्ट स्टाफसोबत महिनाभर सराव करेल. लक्ष्य सेन फ्रान्समधील मार्सेली येथे १२ दिवस सराव करणार आहे.
