आंबोली :

आंबोली येथील सिंधुदुर्ग सैनिक स्कूल अ‍ॅण्ड ज्युनियर कॉलेज, आंबोलीच्या विद्यार्थ्यांनी १२ वीच्या विज्ञान परीक्षेत यश संपादन केले आहे. यात ॲलेक्स अविनाश सावंत याने ८६.०० टक्के गुण मिळवून प्रथम, अजय गणेश मांवकर याने ८१.१७ टक्के गुण मिळवून व्दितीय तर सुयश अनिल कदम याने ८०.३३ टक्के गुण मिळवून तृतीय कमांक प्राप्त केला आहे. शाळेने आतापर्यंत सलग १४ वर्षे १०० टक्के निकालाची परंपरा कायम राखली आहे. २२ विद्यार्थी विशेष श्रेणीत तर उर्वरित सर्व १६ विद्यार्थी प्रथम श्रेणीत उत्तीर्ण झाले आहेत. सर्व विद्यार्थ्यांचे अध्यक्ष व सचिव सुनील राऊळ, संचालक जॉय डॉन्टस, शंकर गावडे, शिवाजी परब, सर्व संचालक, कार्यालयीन सचिव दीपक राऊळ, प्राध्यापक नितीन गावडे तसेच सर्व शिक्षक व शिक्षकेतर कर्मचारी यांनी विद्यार्थ्यांचे अभिनंदन केले आहे.