*जागतिक साहित्य कला व्यक्तित्व विकास मंचचे सन्माननीय सदस्य कवी अरुण वि. देशपांडे लिखित अप्रतिम काव्यरचना*
“आई”
————————————————-
आई ,वात्सल्यमूर्ती ही
असते प्रत्येकाच्या मनात…
जखमा होता शरीराला
वेदना होतात मनाला
आई ग ! हुंकार येतो ओठी
साद घाली मन आईला..
आई घडविते बालकाला
शिकवी पाऊल टाकण्या
घास चिऊ-काऊचे भरवी
तिच्या बाळाचे पोट भरण्या…
प्रिय सर्वांचे हो दैवत आई
कौसल्या माई,यशोदा आई
राम-कृष्ण यांनाही प्रिय आई
गृहस्वामिनी असते आई …
होवो लेकरं कितीही मोठी
आईसाठी तर ती सदा छोटी
हर प्रहरी लेकरांची चिंता
पांघरे शाल मायेची मोठी ..
आई ,वात्सल्यमूर्ती ही
असते प्रत्येकाच्या मनात…
——————————————–
कविता-आई
-अरुण वि.देशपांडे-पुणे
9850177342
———————————————–
