*जागतिक साहित्य कला व्यक्तित्व विकास मंचचे सन्माननीय सदस्य तथा संस्थापक अध्यक्ष महाकवी कालिदास प्रतिष्ठान पुणे लेखक कवी वि. ग. सातपुते लिखित अप्रतिम काव्यरचना*

*मंजुळ गोपुरे*

*************

ही सांजसुरम्य कातरवेळा

आत्म्यालाच अंतर्मुख करते….

पाझरता अलवार पापण्या

साऱ्या , स्मृतींना भरते येते….

किणकिणारी मंजुळ गोपुरे

राऊळगाभारी , लक्ष वेधीते….

दयाघनाचीच ती मूर्ती सुंदर

आजही आत्म्याला सुखावते….

झरता लोचनी क्षणक्षण सारे

बाल्य निष्पाप मनी ओघळते….

जगुनी जाहले सारे सारे आता

जे जे हरविले , ते ते आठविते….

ललाटी भाग्य भाळीचे प्रारब्धी

भोगुनी तृप्ते , व्हावे आता रिते….

**************************

*रचना क्र. ८१ / ८ / ५ / २०२१*

*#©️वि. ग. सातपुते .( भावकवी)*

*📞 ( 9766544908 )*