*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री सौ मंजिरी अनसिंगकर लिखित अप्रतिम अष्टाक्षरी रचना*
*श्री गजानन विजय ग्रंथ*
अध्याय पंधरावा
पहा पंधरा अध्यायी
गाथा ही देशभक्तीची
राष्ट्र प्रेमी राष्ट्रभक्त
लोकमान्य टिळकांची ||
शिवजयंतीची एक
सभा अकोली ग्रामासी
व्याख्यानाचे निमंत्रण
दिले होते टिळकांसी ||
संत रामदास कृपा
लाभे शिष्य शिवबाला
शेगावीचे ”श्री” ही आले
द्याया आशिष” बाळाला” ||
टिळकांसी ऐकावया
लोकं जमले अपार
समर्थांना पहाण्याची
उत्सुकता होती फार ||
सूर्य स्वातंत्र्याचा आज
मावळला देशावर
सांगे टिळक सभेत
दास्यत्वाचा अंधकार ||
राष्ट्रप्रेम वाढे ऐसे
द्याल का आम्हा शिक्षण
बोले सत्य भूपतीस
देशभक्ती शिकवण ||
दोन्ही दंडात काढण्या
अशानेच पडतात
समर्थांचे हे भाकीत
बेड्या पडल्या हातात ||
उपायांची पराकाष्ठा
केली भक्त मंडळींनी
भाकरीचा प्रसाद हा
दिला”बाळासाठी” श्रींनी ||
शिक्षा तुरूंगवासाची
मंडाल्यांत नेले त्यांना
जन्मे गीतारहस्य हो
कीर्ती मिळे टिळकांना ||
गीता अर्थ कर्मपर
लावी बाळ गंगाधर
टिळकांची कामगिरी
अनमोल आहे फार ||
विस्कळीत समाजाची
नीट घडी ही बसवी
मोक्षपदा नेई गीता
तत्वज्ञान समजवी ||
©️®️ सौ.मंजिरी अनसिंगकर नागपूर.
