*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री विजया केळकर लिखित अप्रतिम गवळण*

*गवळण*

अवधी अजून दिवस उजाडायला
गवळीणींनो लगबग जाऊ बाजाराला

उठला नसेल बाळकृष्ण यशोदेचा
अडविणार ना कोणी रस्ता मथुरेचा
अद्दल घडवू ग नवनीतचोराला ||१ ||

सख्यांनो सांगा वेणी कोणी ओढली ?
मटकी गोरसाची कोणीतरी फोडली !
भास भेडसावतो, चैन नाही जीवाला || २ ||

पावा वाजला, चैतन्याचा संचार झाला
पावले थांबली,माना वळल्या कशाला?
आनंदून लोणी खाऊ घालती नंदलाला || ३ ||

विजया केळकर________
नागपूर