*ग्लेन मॅक्सवेल नामक वादळात अफगाण गोलंदाजांची शरणागती*

*ऑस्ट्रेलियाचा ऐतिहासिक विजय*

मुंबई (गुरुदत्त वाकदेकर) :

एकदिवसीय विश्वचषक २०२३ च्या ३९ व्या सामन्यात ऑस्ट्रेलियाने अफगाणिस्तानचा तीन गडी राखून पराभव केला. मुंबईच्या वानखेडे स्टेडियमवर प्रथम फलंदाजी करताना अफगाणिस्तानने ५० षटकांत ५ गडी गमावून २९१ धावा केल्या. प्रत्युत्तरात ऑस्ट्रेलियाने ४६.५ षटकांत सात विकेट गमावत २९३ धावा केल्या आणि सामना जिंकला. या विजयासह कांगारू संघाने उपांत्य फेरी गाठली. उपांत्य फेरी गाठणारा ऑस्ट्रेलिया हा तिसरा संघ ठरला आहे. आता चौथ्या स्थानासाठी न्यूझीलंड, पाकिस्तान आणि अफगाणिस्तान यांच्यात लढत होणार आहे. या सामन्यात अफगाणिस्तानने प्रथम फलंदाजी करत २९१ धावा केल्या. प्रत्युत्तरात ऑस्ट्रेलियाने सात गड्यांच्या मोबदल्यात २९३ धावा केल्या आणि सामना जिंकला.

अफगाणिस्तानकडून इब्राहिम झद्रानने सर्वाधिक नाबाद १२९ धावा केल्या. राशिद खानने ३५ धावांची नाबाद खेळी खेळली. ऑस्ट्रेलियाच्या जोश हेझलवूडने दोन बळी घेतले. मिचेल स्टार्क, ग्लेन मॅक्सवेल आणि अॅडम झाम्पाला प्रत्येकी एक विकेट मिळाली. त्याचवेळी ग्लेन मॅक्सवेलने ऑस्ट्रेलियासाठी नाबाद २०१ धावा केल्या. मिचेल मार्शने २४ धावांची खेळी केली. अफगाणिस्तानकडून नवीन उल हक, अजमतुल्ला उमरझाई आणि रशीद खान यांनी प्रत्येकी दोन गडी बाद केले.

ऑस्ट्रेलियाने ९१ धावांत सात विकेट गमावल्या होत्या. यानंतर मॅक्सवेलने पॅट कमिन्ससोबत २०२ धावांची नाबाद भागीदारी करत संघाला विजय मिळवून दिला. या विश्वचषकातील हे पहिलेच द्विशतक होते. एकदिवसीय क्रिकेटमध्ये द्विशतक झळकावणारा मॅक्सवेल ऑस्ट्रेलियाचा पहिला खेळाडू ठरला.

अफगाणिस्तानने ऑस्ट्रेलियाला २९२ धावांचे लक्ष्य दिले होते. नाणेफेक जिंकून प्रथम फलंदाजी करण्याचा निर्णय घेतल्यानंतर अफगाणिस्तानने ५० षटकांत ५ गडी गमावून २९१ धावा केल्या. विश्वचषकाच्या इतिहासातील ही अफगाणिस्तानची सर्वोच्च धावसंख्या आहे. इब्राहिम झद्रानने १४३ चेंडूत १२९ धावा केल्या, तर राशिद खानने १८ चेंडूत ३५ धावांची नाबाद खेळी केली. अखेरीस इब्राहिम आणि रशीद यांच्यात सहाव्या विकेटसाठी २८ चेंडूत ५८ धावांची नाबाद भागीदारी झाली. अफगाणिस्तानने शेवटच्या पाच षटकात ६४ धावा केल्या आणि फक्त एक विकेट गमावली.

प्रथम फलंदाजी करताना अफगाणिस्तानची सुरुवात चांगली झाली नाही. रहमानउल्ला गुरबाज २५ चेंडूत २१ धावा करून बाद झाला. यानंतर रहमत शाह आणि इब्राहिम झद्रान यांनी दुसऱ्या विकेटसाठी ८३ धावांची भागीदारी केली. रहमत ३० धावा करून मॅक्सवेलच्या चेंडूवर बाद झाला. यानंतर इब्राहिमने कर्णधार हशमतुल्ला शाहिदीसोबत तिसऱ्या विकेटसाठी ५२ धावांची भागीदारी केली. शाहिदी २६ धावा करून बाद झाला. अजमतुल्ला उमरझाईही २२ धावा करून तंबूमध्ये परतला. मोहम्मद नबी १२ धावा करू शकला. दरम्यान, इब्राहिमने एकदिवसीय कारकिर्दीतील पाचवे शतक झळकावले. विश्वचषकात अफगाणिस्तानसाठी शतक झळकावणारा तो पहिला खेळाडू ठरला. इब्राहिमने १४३ चेंडूंत आठ चौकार आणि तीन षटकारांच्या मदतीने १२९ धावा केल्यानंतर नाबाद राहिला. त्याचवेळी राशिदने १८ चेंडूत ३५ धावांच्या खेळीत दोन चौकार आणि तीन षटकार ठोकले. ऑस्ट्रेलियाकडून जोश हेझलवूडने दोन बळी घेतले. तर मिचेल स्टार्क, ग्लेन मॅक्सवेल आणि अॅडम झाम्पा यांना प्रत्येकी एक विकेट मिळाली.

२९२ धावांच्या लक्ष्याचा पाठलाग करताना ऑस्ट्रेलियाची सुरुवात खूपच खराब झाली. ट्रॅव्हिस हेड खाते न उघडताच बाद झाला. नवीन उल हकने त्याला यष्टिरक्षक इक्रम अलीखिलकरवी झेलबाद केले. आता वॉर्नर आणि मिचेल मार्शने झटपट धावा काढून ऑस्ट्रेलियाला दमदार पुनरागमन केले, पण मार्श २४ धावा करून नवीनचा दुसरा बळी ठरला. यावेळी ऑस्ट्रेलियाची धावसंख्या ४३ धावा होती. अजमतुल्ला उमरझाईने सलग दोन चेंडूंत विकेट घेत ऑस्ट्रेलियन संघाला अडचणीत आणले. डेव्हिड वॉर्नरने २९ चेंडूत १८ धावा केल्या. यानंतर जोश इंग्लिसला इब्राहिम झद्रानने झेलबाद केले. मात्र, षटकातील तिसरा चेंडू मॅक्सवेलच्या बॅटच्या कडेला लागला आणि त्याची हॅटट्रिक हुकली. नऊ षटकांनंतर ऑस्ट्रेलियाची धावसंख्या ५१/४ होती. रहमत शाहच्या अचूक थ्रोमुळे १४ धावांच्या वैयक्तिक धावसंख्येवर लॅबुशेन धावबाद झाला. ७३ धावांवर पाच गडी गमावल्यानंतर ऑस्ट्रेलियन संघ संघर्ष करत होता. स्टॉइनिसही सहा धावा करून बाहेर पडला. रशीद खानने त्याला विकेट्ससमोर पायचीत केले. स्टार्कही तीन धावा करून बाद झाला. रशीदच्या चेंडूवर यष्टीरक्षकाने झेल घेतला. चेंडू त्याच्या बॅटला लागला नसला तरी स्टार्कने रिव्ह्यू घेतला नाही. २० षटकांत ९८ धावांत सात गडी गमावल्यानंतर ऑस्ट्रेलियाचा पराभव निश्चित झाला होता. अशा परिस्थितीत ग्लेन मॅक्सवेल आणि कर्णधार पॅट कमिन्स यांनी शानदार भागीदारी केली. मॅक्सवेलला अनेक जीवदान मिळाली. ३३ धावांच्या वैयक्तिक धावसंख्येवर मुजीबने अतिशय सोपा झेल सोडला. यानंतर या दोघांनी आठव्या विकेटसाठी २०२ धावांची नाबाद भागीदारी करत आपल्या संघाला विजयापर्यंत नेले. १२८ चेंडूत २०१ धावा केल्यानंतर मॅक्सवेल नाबाद राहिला. त्याने २१ चौकार आणि १० षटकार मारले. त्याचवेळी कमिन्सने ६८ चेंडूत नाबाद १२ धावा केल्या. त्याच्या खेळीत एका चौकाराचा समावेश होता. कमिन्सच्या संयमी खेळीचे कौतुक करावे तितके कमी आहे. मॅक्सवेलला आराम मिळावा म्हणून त्याने काही षटके एकट्यानेच निर्धाव खेळून काढली.

*संवाद मिडिया*

*_🏠तुमच्या स्वप्नाला वळण देणारा, एक सुंदर प्रयत्न जो बदलेल तुमच्या जीवनाला !!!!🏠_*

*⚜️”रॉयल सिटी पार्क” मुंबईतील नामांकित बिल्डर्सचा ऐश्वर्य संपन्न गृहप्रकल्प प्रत्यक्ष रत्नागिरीत !⚜️*

*▫️*वैशिषट्यपूर्ण घरकुलाची सुसज्य मांडणी आणि आधुनिक सुविधांनी परिपूर्ण वास्तूचे रूप, आपल्याला इथेच पाहायला मिळेल. मुंबई पद्धतीने बनवलेला डिलक्स फ्लॅट तोही सर्वसामान्यांना परवडेल असा. त्याच प्रमाणे *_NO GST / OC COMPLETE / READY POSSESSION._*

💫 *_आपल्या प्रोजेक्टची खास वैशिषट्ये_* 💫

*१) रेडीमेड मॉड्यूलर किचन ट्रॉलीसहित .*
*२) बाथरुम जग्वार फिटिंग, पूर्ण फ्लॅट कंन्सिल्ड इलेक्ट्रिक, ट्यूब्स, फॅन, गिझर, एक्झॉस्ट फॅन, बल्ब फिटींग,*
*३)पूर्ण फ्लॅट पी.ओ.पी मोल्डींग*
*४) वॉकिंग ट्रॅक, चिलड्रन्स प्ले गार्डन*
*५) अत्याधुनिक लिफ्ट (ISI mark)*
*६) आकर्षक इंट्रन्स लॉबी, रेन वॉटर हार्वेस्टिंग.*
*७) भरपूर पाणी , प्रशस्त पार्किंग व्यवस्था.*
*८) जवळच शाळा , मंदिर , मार्केट.*
*९) १००% गृहकर्ज सुविधा उपलब्ध.*

🌐 *प्रोजेक्टच्या अधिक माहिती साठी या लिंक वर क्लिक करा*👇🏻
https://royalcitypark.in

*☎️ बुकिंग संपर्क ☎️*

Rakhi : 9209193470.

Mahesh Bhai :9820219208.

Sharad : 8600372023.

🛑 *साईटचा पत्ता* 🛑

*रॉयल सिटी पार्क, रवींद्र नगर ,सेंट थॉमस स्कूल जवळ , (श्री स्वामीसमर्थ मठ) कारवांची वाडी, कुवारबाव रत्नागिरी*

📢 *मोजकेच फ्लॅट शिल्लक, आजच बुक करा*
————————————————*वेबसाईट*
www.sanwadmedia.com
==========================
*फेसबुक पेज*
https://www.facebook.com/Snvadmedia
========================
*चॅनेल*
https://www.youtube.com/c/sanvadmedia
=========================
*📱जाहिरात व बातम्यासाठी संपर्क*
*9421234663*