सावंतवाडी :
राष्ट्रवादी काँग्रेस पार्टीचे तालुकाध्यक्ष पुंडलिक दळवी यांनी शिरोडा नाका येथील दिव्यांग विकास व प्रशिक्षण केंद्रात जाऊन दिव्यांग मुलांसोबत केक कापून वाढदिवस साजरा केला.
यावेळी येथील दिव्यांग मुलांना केक व खाऊ वाटप करण्यात आले. यावेळी दिव्यांग मुलांनी दिलेल्या शुभेच्छांमुळे पुंडलिक दळवी व त्यांच्या कुटुंबीयांना अश्रू अनावर झाले. वाढदिनी दिलेल्या या शुभेच्छा वर्णन करण्यासाठी शब्द नाहीत, अधिक बोलूही शकणार नाही, अशी भावना व्यक्त करत पुंडलिक दळवींनी सर्व मुलांचे व संस्थेचे आभार मानले.
यावेळी राष्ट्रवादीचे सावंतवाडी शहर अध्यक्ष देवेंद्र टेमकर, तालुका सरचिटणीस हिदायतुल्ला खान, युवती जिल्हाध्यक्ष सौ. सावली पाटकर, तालुका उपाध्यक्ष राकेश नेवगी, तालुका उपाध्यक्ष काशिनाथ दुभाषी, अल्पसंख्यांक शहराध्यक्ष जहूर खान, सोशल मीडिया जिल्हाध्यक्ष सचिन पाटकर, उद्योग व्यापार सेलचे तालुका उपाध्यक्ष याकूब शेख, धोंडी दळवी, बावतीस फर्नांडिस, मारीता फर्नांडिस, याकुब शेख, श्रीया दळवी, भुवन दळवी आदी उपस्थित होते.
